AGURRA

Berriro etorriko balitz lehenengo lekualdatzea,
errepikatuko nuke Izarra Herri Eskola
urte asko egin ditugu elkarrekin uztartuta
egunero-egunero: euria, hotza eta elurra.
Lankide jator asko ta giro atsegina beti
harrera ona izan nuen etorritako egunetik
egun latzak ere pasa izan ditugu batera
betirako bihotzean denok zaituztet gordeta.

6.MAILAKO AGURRA

Aupa guztioi:
Hemen dituzue 6.mailako agurrean ateratako argazki batzuk.
Ondo segi.

OPORRAK

Zein ondo zaudeten, ezta?
Oporrak hasi berriak dituzue eta atzo gainera urtebetetzeen ospakizuna.Ziur nago ondo pasatu zenutela.Oso berandu heldu nintzen Gasteizera eta ezin izan nintzen heldu ospakizunera.
Bueno orain badakizue egunero apurtxo bat egitea komeni zaizuela eta gainerako denboran ez ahaztu: OPORRETAN ZAUDETE ETA DISFRUTATU

GAIZKA TOKERO

Beste egunean Tokero egon zen gure artean. Berarekin argazki batzuk atera genituen eta herri kiroletan parte hartu genuen.
Oso urduri egon ginen guztiok baina goiz polita pasatu genuen.

JAUNARTZEA

Aupa lagunok:
Igandea oso egun berezia da batzuentzat jaunartzea egin behar duzuelako. Bertan familia eta lagunekin elkartuko zarete eta oso egun polita pasatzea espero dut.
Besteok ere egun ona pasa dezazuela, merezi duzue eta!
Lan bikaina egin duzue arnasketarekin!
Ez ahaztu astelehenean txokolatezko batidoa edango duzuela.
Ordurarte

ZE ORDU DA?

JOLASTU LAURAREKIN : ZE ORDU DA? ORDUA IKASTEKO JOLASA

AMAREN EGUNA

Betidanik izan dut gustuko abesti hau. Gaur ama guztiei dedikatzea gustatuko litzaidake:

Amaren bularra
haurraren janari,
haurraren negarra
beti hunkigarri;
baratz honen erdian
goseak nago ni,
zure bular laztanen
antsiz ta egarriz.

Zure bular politak
zerrien jostailu,
edertasunak kontuz
gorderik behar du;
zaude isilik, haurra!
ez egin negarrik,
munduak ez du-eta
malkoen beharrik.

Haunditzen zeranean
ikusiko duzu
isilik egoteak
zenbat balio dun;
jarrai zure bidetik,
hobe da horrela,
gauza denen gainetik,
haizea bezala.

Amaren bularra
haurraren janari,
aterpe samur hontan
lo hartu nahi dut nik.